Vinstri græn boða stóriðjustopp

Stóriðjustopp og verndun náttúru Íslands er stefna okkar Vinstri grænna í vor, grænasta vori í kosningasögu Íslands. Það mun engan veginn stöðva framþróun né heldur draga úr hagvexti, þvert á móti mun það tryggja betri afkomu þeirra fyrirtækja sem hér eru og draga úr verðbólgu og þenslu í samfélaginu sem er að tröllríða heimilunum og öðrum fyrirtækjum. 

Það er mikilvægt fyrir okkur öll að átta okkur á mikilvægi þess að vernda náttúru Íslands og meta hana meira en sem tombólu fyrir erlenda auðhringi. Með því að selja orkuna okkar á undirverði erum við í raun að stuðla að og ýta undir ennþá meiri sóun áls og mengun í heiminum. Áætlun núverandi ríkisstjórnar gengur út á fullvirkjun Íslands í þágu áliðnaðar. 

Hlutfall endurvinnslu áldósa hefur farið stöðugt lækkandi í USA frá 1990 og er nú undir 50%. Stjórnvöld þar í landi og stórfyrirtæki axla ekki þá ábyrgð sem þeim ber; að endurvinna ál sem mundi draga verulega úr þörf fyrir frumvinnslu á áli og þar með draga úr bæði mengun og náttúrufórnum sem af því hlýst. Ef einungis er talin sú óábyrga sóun sem fór fram á síðasta áratug (1990-2000) jafngilti það 316.000 Boeing 737 farþegaþotum. Já, á einum áratug var hent svo miklu af áldósum á haugana að nægt hefði til að endurnýja allan flugflota heims 25 sinnum!!! Þar á síðan eftir að bæta við öllu hinu álinu sem hent er á haugana, sem er yfir 2,5 milljónir tonna í allt á ári hverju í Bandaríkjunum einum saman og á eftir að reikna með öllu því sem hent er víða annars staðar í heiminum. En ýmis lönd eru mun ábyrgari í endurvinnslu en Bandaríkin. 

Endurvinnsla áls krefst einungis 5-10% af þeirri orku sem fer í frumvinnslu þess.
 

Það er ábyrg og skynsöm stefna Vinstri grænna að stuðla að stóriðjustoppi og það er ábyrg og skynsöm stefna jarðarbúa að þrýsta á álfyrirtækin og bandarísk stjórnvöld að draga úr þessari gífurlegu sóun sem veldur eyðileggingu jarðar. 

Ég bendi á grein Álfheiðar Ingadóttur um stóriðjustopp í mbl .

Ísland er ekki að bjarga heiminum með því að fórna náttúrunni til að virkja allt í þágu slíkrar sóunar. Með því eru Íslendingar þvert á móti að ýta undir óábyrga hegðun og neyslumynstur í óábyrgum ríkjum eins og Bandaríkjunum. Í það ber okkur ekki að fórna okkar náttúru og slíkt eiga íslenskir skattgreiðendur ekki að greiða niður með óarðbærum framkvæmdum eins og Kárahnjúkavirkjun. 

 

Vegna miður gáfulegra athugasemda sem ég hef fengið þætti mér gaman að benda á nokkrar síður til upplýsingar og til að líta aðeins á heildarmyndina af áliðnaði.

 

http://fluoridealert.org/aluminum-respiratory.htm

http://www.fluoridealert.org/health/index.html 

http://www.rvi.net/~fluoride/000138.htm

http://www.halifaxinitiative.org/index.php/All_ResearchReport/411

http://www.nosmeltertnt.com/alcoa_pollution.html

http://www.jbeo.com/ 

http://www.landvernd.is/frettirpage.asp?ID=1998

http://www.landvernd.is/page3.asp?ID=1067

http://www.eldhorn.is/hjorleifur/vett2006/120506.htm 

Losun flúoríðs. Losun loftborins flúoríðs frá þurrhreinsun er samkvæmt frummatsskýrslu Alcoa 224,2 g á hvert framleitt tonn, en væri 175,9 g á tonn með vothreinsun, þ.e. hækkar um 42% ef vothreinsun er sleppt. Mat Norsk Hydro vorið 2001 vegna Reyðaráls (420 þús.t/ári) sýndi að með  vothreinsun losnuðu aðeins 130 g á tonn, og er munurinn 73% lakari hjá Alcoa með þurrhreinsun.

 

According to the U.S. Environmental Protection Agency:  

“Sulfur dioxide (SO2) causes a wide variety of health and d people with heart or lung disease.  Peak levels of SO2 in the air can cause temporary breathing difficulty for people with asthma who are active outdoors.  Longer-term exposures to high leveenvironmental impacts because of the way it reacts with other substances in the air.  Particularly sensitive groups include people with asthma who are active outdoors and children, the elderly, anls of SO2 gas and particles cause respiratory illness and aggravate existing heart disease. SO2 reacts with other chemicals in the air to form tiny sulfate particles.  When these are breathed, they gather in the lungs and are associated with increased respiratory symptoms and disease, difficulty in breathing, and premature death.”

 

 

Áhugaverður Kompásþáttur um álverið í Sraumsvík

Kíkið endilega á Kompás umfjöllun um álverið í Straumsvík og stækkun eða ekki stækkun.

Hvaða sérfræðingar eru það sem segja að vothreinsun sé ekki betri en þurrhreinsun? Rist segir ekkert hverjir það eru sem ráðleggja henni það. Hennar sérfræðingum virðist ekki bera alveg saman við aðra sérfræðinga sem segja vothreinsun gera það að verkum að SO2 myndar hlutlaust efnasamband í sjónum. Vissulega verður einhver mengun í sjónum vegna annarra efna sem berast í sjóinn ... en hún verður bara mun meiri þegar henni er sleppt í andrúmsloftið.

Kíkið endilega líka á skýrslu um álvinnslu: Foiling the aluminum industry 

 

Góðu fréttirnar eru þær að ótrúlega duglegt fólk er að reyna að bera út boðskap til fólks í Hafnarfirði, svo það er mótvægi við áróður álbræðslunnar í Straumsvík. Sól í straumi þakka ég kærlega fyrir ötult og óeigingjarnt starf á því sviði. Það var ánægjulegt að vera með þeim við opnun kosningarskrifstofu um helgina.  

Chomsky, einn greindasti maður heims - talsmaður sannleikans

Þessi maður er að mínu mati einn af fremstu og greindustu mönnum heims. Hann er ötull talsmaður sannleikans og oft útilokaður frá mainstream fjölmiðlaumræðu vegna þess að hann segir sannleikann um valdníðslu og terrorisma Bandaríkjastjórnar sjálfrar. Það fellur stjórninni ekki sérstaklega vel í geð. Oft er það nú þannig að þeim sem hafa verið lengi við völd fellur ekki sérstaklega vel í geð þegar einhvers konar mótmæli eða andóf rís og fólkið á götunni reynir að upplýsa hvort annað um rotnu eplin í stjórninni :)

 

Noam Chomsky er minn maður - fluggreindur aktivisti og talsmaður sannleikans.

Kíkið endilega á hann á Conversations with Chomsky eða á youtube:

Noam Chomsky ~ Activism, Anarchism & Power [1/5]

Noam Chomsky ~ Activism, Anarchism & Power [2/5]

Noam Chomsky ~ Activism, Anarchism & Power [3/5]

Noam Chomsky ~ Activism, Anarchism & Power [4/5]

Noam Chomsky ~ Activism, Anarchism & Power [5/5]

 

Einnig vil ég benda á síðuna hans hér www.chomsky.info 

TIL HAMINGJU MEÐ DAGINN KONUR!

Í dag, þann 8.mars er haldið upp á alþjóðlegan baráttudag kvenna fyrir friði og jafnrétti. Af því tilefni er þéttskipuð dagskrá til að halda upp á daginn.

 

Alþjóðlegur baráttudagur kvenna 
fyrir friði og jafnrétti.

Opinn fundur fimmtudaginn 8.mars 2007 kl.17
í Tjarnarsal Ráðhúss Reykjavíkur.

Virkjum kraft kvenna.

Fundarstjóri: Halldóra Friðjónsdóttir, formaður BHM

Harpa Njálsdóttir, félagsfræðingur
Hvað þarf til að rétta hlut fátækra kvenna?

Ezter Toth, í stjórn Samtaka kvenna af erlendum uppruna 
Friður og jafnrétti á heimilum. 

Halldóra Malín Pétursdóttir, leikkona - atriði úr einleiknum “Power of Love”.

Guðríður Ólafsdóttir, félagsmálafulltrúi Öryrkjabandalags Íslands 
Jöfnun tækifæra.

Gunnar Hersveinn, heimspekingur
Friðarmenning.

Tónlist: Áshildur Haraldsdóttir, flautuleikari

María Kristjánsdóttir, leikstjóri
Frelsi til að vera fátækur.

Pálína Björk Matthíasdóttir 
Grameen-banki. 

Ljóðalestur: Guðrún Hannesdóttir, handhafi Ljóðstafs Jóns úr Vör 2007.

María S. Gunnarsdóttir, form. Menningar- og friðarsamtaka MFÍK 
Jöfnuður - jafnrétti – jafnræði.


Harpa Stefánsdóttir og Ármann Hákon Gunnarsson sýna ljósmyndir í salnum.

 

 

 

 Í tilefni af alþjóðlegum baráttudegi kvenna, 8. mars, efnir femínistafélagið Bríet til baráttugleði á Barnum (Laugavegi 22) kl. 20:00. Kvöldið verður pakkfullt af baráttuþrungnum þrumuræðum, tónlist og skemmtilegheitum. 

 

Klámkvöld í kvöld!

Klámkvöld Karlahóps Femínistafélags Íslands

Miðvikudagskvöldið 7. mars
Barinn, Laugavegi 22, 2. hæð.
Húsið opnar kl. 20:00

Næstkomandi miðvikudagskvöld heldur Karlahópur Femínistafélagsins
klámkvöld. Þar verður klám rætt í kynjuðu samhengi og meðal annars
fjallað um neyslu ungs fólks á klámi, klámvæðinguna í samfélaginu,
ímyndir í klámi, klámiðnaðinn og margt fleira. Einnig verður reynt að
varpa ljósi á tengsl kláms og karlmennsku. Markmiðið er að fjalla um
klám og þá umræðu sem átt hefur sér stað undanfarnar vikur. Um leið
hvetjum við karlmenn til að sýna ábyrgð í umræðunni um klám.

Að erindum loknum opnum við fyrir umræður. Aðgangur ókeypis. Opið
fyrir alla, konur og karla!

Fundarstjórn:
Gísli Hrafn Atlason, mannfræðingur og ráðskona Karlahóps.

Frummælendur eru:

Gunnar Hersveinn - ,,Klámvæðing, siðvæðing."
Gunnar Hersveinn heimspekingur og rithöfundur fjallar um klámvæðingu
tengda börnum og unglingum. Hann teflir fram siðvæðingu sem felst í
gagnrýnni og skapandi hugsun gegn klámvæðingu á Íslandi. Hann greinir þær
dyggðir sem prýða "klámstúlkuna" sem á að uppfylla drauma "karlmannsins." Hann
nefnir dæmi um hvernig barnaklám hefur átt greiða leið til landsins sem
fjöldaframleidd vara.

Siggi Pönk - ,,Í leit að ofbeldislausu klámi."
Siggi veltir fyrir sér af hverju það er svo erfitt fyrir femínista með
áhuga á klámi að finna spennandi efni sem er ekki fullt af ofbeldi.

Hjálmar G. Sigmarsson - ,,Í klámvæddum heimi."
Hjálmar mun fjalla um rannsókn sem hann vann ásamt Andreu Ólafsdóttur
síðastliðið sumar, um upplifun og viðhorf unglinga til kláms. Hann mun
draga fram helstu niðurstöður ásamt því að skoða hvernig
klámiðnaðurinn hefur þróast undanfarna áratugi. Að lokum mun hann
skoða afleiðingar kláms á kynjaímyndir og áhrif þess á hugmyndir um
karlmennsku.

Meirihluti andvígur stækkun í Straumsvík

Samkvæmt skoðanakönnun Fréttablaðsins eru rúm 63% landsmanna andvíg stækkun álvers í Straumsvík og tæp 36 prósent fylgjandi - af þeim sem tóku afstöðu. Úrtakið var 800 manns og um 70 prósent tóku afstöðu.

Um daginn kom í ljós að skv. skoðanakönnun í Hafnarfirði er rúmlega helmingur Hafnfirðinga einnig andvígur stækkun í Straumsvík. Svo virðist sem flestir þar geri sér grein fyrir hve hrapalegt slys það yrði til frambúðar. 

Ennfremur segir visir.is frá því að ,,Landsmenn eru bjartsýnni en nokkru sinni fyrr, samkvæmt væntingavísitölu, sem Gallup mælir. Hún mælist nú tæp 150 stig , eða hærri en nokkru sinni fyrr. Þessi mæling lýsir viðhorfum til efnahags og atvinnumála í næstu framtíð."

Má ætla að almenningur viti af þjóðhagsspá fjármálaráðuneytisins þar sem fram kemur að hagvöxtur verði áfram þokkalegur næstu ár þó svo að ekki verði af frekari stóriðjuframkvæmdum?

Vinstri Græn hugsa hlutina LENGRA en eitt kjörtímabil

Þegar verið er að móta stefnu í pólitík, þá snýst það um það hvernig samfélag við viljum búa, bæði fyrir okkur í nútíðinni og líka að byggja það upp til framtíðar. Þar nægir ekki að hugsa eitt kjörtímabil fram í tímann. Ég birti þessa færslu vegna þeirra athugasemda sem sumir hafa komið með vegna þess að VG vill afnema gjaldtöku í skólakerfinu og heilbrigðiskerfinu. Já það er okkar stefna að allir geti haft jafnan aðgang að þeirri þjónustu og neiti sér ekki um að nota hana vegna fjárhagsörðugleika. Ég vil einnig taka fram vegna mikils misskilnings margra að VG hefur það EKKI og ég endurtek EKKI á stefnuskrá sinni að hækka skatta. Við viljum hins vegar færa byrðina af herðum þeirra fátkæku og verst settu og af meðaltekjufólki sem hafa komið allra verst útúr skattastefnu stjórnarflokkanna.

Það er alveg hreint með ólíkindum að hlutsta á málflutning eins og þann að réttmætt sé að þeir ríku greiði þrisvar sinnum lægri skattprósentu en meðalfólk og þeir fátæku. Að segja það að við séum með einu eða öðru móti að hrekja einhvern úr landi er bara bull og ekkert annað. Það er ekki á stefnuskrá VG að hækka skatta á fyrirtæki svo það má alveg taka fyrir allt slíkt bull. Fyrirtækjaskattur er 18% og hann verður það áfram í okkar stjórn á þessu kjörtímabili, engin áform um hækkanir þar. Við ætlum hins vegar að skapa hér umhverfi sem mun draga verulega úr þenslunni sem hefur verið gegndarlaus undanfarin ár og með því tryggjum við meiri stöðugleika og bætta afkomu þeirra fyrirtækja sem flytja vörur úr landi! Með því að draga úr þenslunni munum við líka hjálpa einstaklingum og heimilum að standa skil af lánunum sínum og koma í veg fyrir að þau hækki upp úr öllu valdi vegna verðtryggingar sem hækkar höfuðstól lána okkar þegar þenslan er svo mikil.

Það sem snýr að fyrirtækjum í okkar stefnu er að við viljum einmitt styðja við framtak einstaklingsins við að koma hugmyndum sínum í framkvæmd og stofna fyrirtæki og skapa þar með nokkrum öðrum atvinnu.

Það sem snýr að fjármagnstekjuskatti er málið þannig að við viljum afnema fjármagnstekjuskatt af sparnaði hjá 90% landsmanna. Svo einfalt er það nú. Við viljum hætta að taka þúsundkallana af barnasparnaði og fjölskyldusparnaði heimilanna - EN við viljum jafnframt að þau 5-10% landsmanna sem nú hafa sínar tekjur einungis af þessari iðju reikni sér laun og greiði skatt af þeim launum eins og við öll hin. Í dag er það nú svo að þarna er einungis um að ræða lítinn hluta hóps sem á gríðarlegan pening en greiðir ekki útsvar eins og við hin og greiðir ekki heldur í framkvæmdasjóð aldraðra. Það er einungis sjálfsagður hlutur að ef fólk hefur þessa iðju að atvinnu, að það reikni sér laun og greiði af þeim skatta eins og við hin. Það mun áfram greiða lágan fjármagnstekjuskatt og hagnaður þeirra getur runnið inn í fyrirtækin sem þau hafa stofnað í kringum batteríið. Ekkert bull um þetta að verið sé að hrekja fólk úr landi!!!

Með stöðvun stóriðjustefnunnar sem hér hefur ríkt er alls EKKI verið að draga úr atvinnumöguleikum fólks og ég vil líka benda þér á að orkan okkar er alls EKKI stærsta eða sú auðlind okkar sem mest gefur af sér. Ennþá er fiskiðnaðurinn miklu stærri og gefur mun meira af sér og ferðamannaiðnaður og þekkingariðnaður líka mun stærri. Þetta samtals er mörgum sinnum stærra og arðbærara en það sem við fáum út úr stóriðju og vil ég benda fólki á að athuga tölurnar nú aðeins betur - hvað gefur þjóðarbúinu hvað!!!

Við erum sá flokkur sem hugsar hlutina lengra en einungis eitt kjörtímabil. Með því að efla menntakerfið (og það er spurning um áherslur í fjárlögum en ekki endilega um meiri útgjöld ríkisins) að þá mun okkur takast að skapa hér samfélag þar sem ALLIR hafa í raun jafna möguleika á menntun og það hefur nú bara sýnt sig erlendis að með því að hafa öflugt menntakerfi skapast öflugur grundvöllur fyrir grósku og nýsköpun í atvinnulífinu. Þá staðreynd getum við horft á í atvinnulífi á Norðurlöndunum sem eru einna fremstar í heiminum. Svo einfalt er það nú!

Okkar tillaga í fangelsismálum gengur líka út á það að mögulega verður tilkostnaður við meðferðarstarf aðeins aukinn - EN við skulum líka athuga það að með því að leggja smá pening í það uppbyggingar og betrunarstarf verður líka mögulega dregið mjög úr síbrotum. Það mun auka möguleika fanga á því að byggja sér betra líf ef þeir öðlast menntun og ef þeir fá úrræði við sitt hæfi. Í dag er endurkoma í fangelsi um 50% og við viljum bæta úr því. Þótt okkur tækist ekki betur til en að minnka endurkomu niður í 25%, þá væri stórkostlegum áfanga náð, og það mun MINNKA útgjöld til fangelsismála þegar til lengri tíma er litið. Með því að hafa öflug meðferðarúrræði fyrir kynferðisafbrotamenn mun okkur líka takast að taka á rótum vandans. Það hefur sýnt sig þar sem slíkt hefur verið reynt erlendis að það er vel hægt að hjálpa mörgum og ná árangri með meðferðum við þeirra hæfi, sérstaklega ef tekið er á vandanum í upphafi afbrotaferils. Með því að hjálpa eins mörgum kynferðisafbrotamönnum og ofbeldismönnum og við getum má draga úr miklum tilkostnaði sem þeir kosta samfélagið okkar á meðan þeir fá enga hjálp. Svona hugsum við í VG - já það kostar pening en mun líka margborga sig að taka á rótum vandans þegar til lengri tíma er litið.

Við viljum einnig stórauka rannsóknir í heilbrigðismálum - og þótt það þýði mögulega aukin útgjöld á meðan á því rannsóknarstarfi stendur (en því verður auðvitað að halda áfram líka) þá þýðir það nú samt að við getum verið framarlega í heiminum á því sviði að finna rætur þess sem veldur því að fólk missir heilsuna. Við viljum taka á rótum vandans og það gerum við meðal annars með því að finna betur út úr því hvers vegna fólk verður veikt og reyna síðan með aukinni fræðslu að koma í veg fyrir það - þegar það verður reiknað út eftir 50 ár þá mun okkar aðferð vera mun ódýrari en sú að ausa endalausum lyfjum í fólk og takast aldrei á við hvers vegna það er veikt. Með því að koma í veg fyrir sjúkdóma (sem er alveg hægt í mjög mörgum tilfellum) og efla lýðheilsu, þá munum við draga úr útgjöldum í heilbrigðiskerfinu! Við viljum byggja upp betra samfélag til frambúðar og þess vegna hugsum við lengra en eitt kjörtímabil!

75% kjósenda vilja náttúruvernd - Skv. bjartsýnu mati yrði neikvætt núvirði Kárahnjúka 22-24 milljarðar!

Nær 75% kjósenda vilja að flokkarnir leggi meiri áherslu á náttúruvernd og umhverfismál

Samkvæmt könnun sem Capacent Gallup gerði fyrir Náttúruverndarsamtök Íslands vilja 72,8% aðspurðra að stjórnmálaflokkarnir leggi meiri áherslu á náttúruvernd og umhverfismál. 22.6% telja að flokkarnir leggi hæfilega áherslu á þennan málaflokk og 4,6% svöruðu því til að flokkarnir ættu að leggja minni áherslu á málaflokkinn.

Rúm 37,2% telja að leggja beri miklu meiri áherslu á umhverfisvernd og 35,6% nokkuð meiri.

Þessi niðurstaða er áminning til ráðamanna um að stjórnmálaflokkarnir geri skýra grein fyrir áformum sínum varðandi verndun náttúru landsins, virkjanir, uppbyggingu álvera, vegagerð á hálendinu, samdrátt í útstreymi gróðurhúsalofttegunda og fræðslu til almennings um umhverfismál, svo dæmi séu tekin.

Spurt var: Telur þú að stjórnmálaflokkarnir eigi almennt að leggja meiri eða minni áherslu á náttúruvernd og umhverfismál? Fjöldi svarenda var 800 og af þeimi tóku 742 eða 92,8% afstöðu. Könnunin var gerð dagana 31. janúar til 12. febrúar.

Sjá könnun Capacent Gallup pdf-skjali

 

Hér má síðan lesa um arðsemismat hagfræðings á Kárahnjúkavirkjun - og lygar ráðamanna þar með

Í skýrslunni segir:

Svartsýnt mat
Svartsýnt mat gerir ráð fyrir hámarks ávöxtunarkröfu, eða 4,67% á lánsfé og 9,96% á hlutafé. Reiknað er með 30% eiginfjárhlutfalli og að orkuverð sé 1,5 kr./kwst. Samkvæmt þessu mati yrði neikvætt núvirði Kárahnjúkavirkjunar á bilinu 50-51 milljarður króna.

Til að virkjunin stæði á sléttu þyrfti orkuverð á kwst. að nema 3 krónum.

Bjartsýnt mat
Bjartsýnt mat gerir ráð fyrir lágmarksávöxtunarkröfu, 4,07% á lánsfé og 6,87% á hlutafé. Gert er ráð fyrir 10% eiginfjárhlutfalli, gert ráð fyrir að orkuverð sé 2 kr./kwst. og orkusala sé örugg í 60 ár. Samkvæmt þessu mati yrði neikvætt núvirði Kárahnjúkavirkjunar á bilinu 22-24 milljarðar króna.

Til að virkjunin stæði á sléttu þyrfti orkuverð á kwst. að nema 2,48 krónum.

Raunsætt mat
Raunsætt mat gerir ráð fyrir meðaltalsávöxtunarkröfu og að orkuverð sé 1,75 kr./kwst. Reiknað er með 20% eiginfjárhlutfalli. Samkvæmt þessu mati yrði neikvætt núvirði Kárahnjúkavirkjunar á bilinu 37-39 milljarðar króna.

Til að virkjunin stæði á sléttu þyrfti orkuverð á kwst. að nema 2,70 krónum.
 

Arðsemismat Kárahnjúkavirkjunar 

SIGUR! - Klámráðstefnu aflýst!

 

Klámráðstefnu aflýst - bændasamtökin tóku af skarið

 

Er að myndast þverpólitísk samstaða á Alþingi?

Í dag var þessi glæsilegi og fjölmenni fundur haldinn á Grand Hótel sem sjá má dagskrá frá hér að neðan. Kvennahreyfingar ýmis konar boðuðu fulltrúa stjórnmálaflokkanna á sinn fund til að vekja athygli á mikilvægi þess að vinna að því að bæta réttarkerfið og stöðu kvenna og barna gagnvart ofbeldismönnum. Það var gott að sitja í hópi sem svo meðvitaður er um stöðu mála í samfélaginu gagnvart kynbundnu ofbeldi sem bæði konur og börn verða fyrir í miklum meirihluta og af höndum karla (karlar gerendur í 97% tilfella).

Karlar eru margir hverjir að gera sér grein fyrir því hversu mikilvægt það er að þeir taki líka þátt í þeirri vinnu sem svo nauðsynlegt er að vinna til þess að hlutir gerist innan réttarkerfisins og í samfélaginu víðar. Þeir hafa margir hverjir gert sér grein fyrir því að þeir verða að hefja sig yfir það að segja "ég geri ekki svona og þess vegna þarf ég ekki að taka þátt í baráttunni" - heldur taka þeir þátt vegna þess hve mikilvægt er að bræður þeirra og systur og börnin okkar allra sjái samheldni kynjanna í að taka á þessum málum.

Fulltrúar allra stjórnmálaflokka voru mættir í pallborð og var það eins og oft áður áberandi hversu VG og XS voru með margar hugmyndir/tillögur á sinni aðgerðaráætlun og voru vel inn í þessum málum. Meðal annars eru báðir flokkarnir hlynntir sænsku leiðinni í vændiskafla laganna - þannig að karlmenn séu gerðir ábyrgir með að vera seki aðilinn í kaupum á vændi og einnig austurísku leiðina í heimilisofbeldismálum þannig að ofbeldismaðurinn sé tekinn út af heimilinu í stað þess að öll fjölskyldan þurfi að flýja hann.

Þó þótti mér ánægjulegt að sjá að fólkið frá XB, XD, og XF voru líka á þeirri bylgjulengd að margt þyrfti að laga innan réttarkerfisins og lögðu fulltrúar stjórnarflokkanna áherslu á að tryggja þyrfti fjármagn með fjárlögum til þess að hægt verði að fylgja eftir þeirri aðgerðaráætlun sem stjórnarflokkarnir hafa mótað.

Allir fulltrúar flokkanna svöruðu því játandi að þeir gætu tekið undir það og myndu gjarnan vinna að því með félögum sínum á Alþingi að gefin yrði út svipuð þverpólitísk yfirlýsing gegn fyrirhugaðri klámráðstefnu og kom frá borgarstjórn í gær. Einn lögfróður aðili á staðnum benti mér á það að á grundvelli laga væri vel hægt að vísa þeim frá því hópurinn hefði þegar gerst brotlegur v. ísl. hegningarlög með því að auglýsa ráðstefnuna með tenglum og upplýsingum um klámsíður sínar.

Auðvitað má benda á tvískinnung í þessu efni í þá átt að hér fæst víða klámefni og hér eru reknir súlustaðir án mikils eftirlits um hvort þar sé stundað vændi og einkadans sem er bannað með lögum. En með þessari vakningu má líka benda á það að mögulega þarf lögreglan að reka sérdeild sem sér um þessi mál þannig að eftirfylgni laga sé beitt, svipað og gert er í Svíþjóð t.d.

Stefnumót við stjórnmálaflokka 21. febr. kl. 8 - 9.30 á Grand (19.02.2007)

Það er mikilvægt að í stefnuskrám flokkanna og í kosningabaráttunni framundan verði ljóst hver áhersla stjórnmálaflokkanna er í okkar málaflokki.

Fundarstjóri: Guðrún Agnarsdóttir læknir.

Dagskrá:

8.20-8.30: Guðrún Jónsdóttir Stígamótum: Hvað brennur á okkur núna?

8.30-8.40: Ása Ólafsdóttir lögfræðingur: Kynbundið ofbeldi og réttarkerfið

8.40.-8.50: Kristín Ástgeirsdóttir fortöðumaður RIKK: Virðum mannréttindi kvenna.

8.50-9.30: Hver er stefna stjórnmálaflokkanna?


RIKK,
Stígamót
Kvennaathvarfið
Kvennaráðgjöfin
Kvenréttindafélagið
Samtök kvenna af erlendum uppruna o. fl.