Áramótaheit þessi áramót?

Nú nálgast nýja árið óðum og þetta hefur liðið ótrúlega hratt. Ert þú ein/n af þeim sem spyr sig um hver áramót hvert þú stefnir nú á nýju ári? Ég er ein af þeim sem trúi á drauma og að láta þá rætast fyrir alvöru - eltast við og ýta sjálfum sér til að láta drauma sína og langanir rætast og verða að veruleika því ég trúi því að þannig lifi maður lífinu til fullnustu og ekki öðruvísi. Hins vegar kemur oft upp að maður gleymir sér og fer af braut ef maður er ekki nógu einbeittur á ferðinni ... en þá getur maður jú alltaf tekið upp draumana síðar og fundið nýjar leiðir eða einbeitninguna aftur.

Þá sem langar til að láta drauma sína um líf sitt rætast og ná árangri í því sem þá langar til vil ég benda á námskeiðið "þú ert það sem þú hugsar" sem ég ætla að taka þátt í núna um miðjan janúar sem er til þess gert að skoða líf sitt og hvernig maður ætlar að haga því og hvaða leiðir maður ætlar að nota til að fara þá leið sem manni langar. Ég hlakka til að sjá hvað það gerir fyrir mig, eða hvað ég get gert með það frekar ... en ég hef áður tekið þátt í námskeiði sem virkilega færði mig nær minni eigin braut og draumum á ný eftir tímabil erfiðis 

Annars óska ég öllum lesendum bloggsins og landsmönnum nær og fjær og bara jarðarbúum öllum gleðilegs árs og farsældar á því næsta. Megi draumar ykkar og langanir rætast í lífinu.

Lifið í lukku en ekki í krukku  

 

Athugasemdir

[halkatla, 29.12.2006 kl. 22:29]

það eru til frábærar bækur sem má nálgast ókeypis á netinu, um þessi drauma og hugsanamál. ég efast ekki um að þetta virki! leitið bara að psitek til að finna þær....  þar er búið að taka þær saman, margar eru skrifaðar á tímabilinu 1870-1930 og þ.a.l ókeypis

[Agný, 29.12.2006 kl. 22:54]

Ég er að hugsa um að reyna ,, að lifa ekki í fortíðinni og hræðast framtíðina og gleyma nútiðinni".. en fortíðin gerir mann jú að því sem maður er í dag..það er að segja ..það sem við veljum að gera við fortíðina en ekki láta hana gera okkur... Gleðilegt nýtt ár og takk fyrir samveruna hér...

[jogeirs (IP-tala skráð) 30.12.2006 kl. 10:18]

Þeim sem langar til að láta drauma sína ...........

Þágufallssýki!!!

Þá sem langar .....

[Gunnar Helgi Eysteinsson, 30.12.2006 kl. 11:53]

"Lifið í lukku en ekki í krukku" Þetta ætla ég að muna

GLEÐILEGT NÝTT ÁR óskar Netflakkari Nr1

[Andrea J. Ólafsdóttir, 31.12.2006 kl. 15:20]

Hvað sem þið gerið og hvernig þið veljið að haga lífi ykkar vona ég bara að það verði ánægjulegt. Takk fyrir ábendinguna um þágufallssýkina... leiðrétti það hið snarasta, því ekki vil ég hafa þá sýki frekar en aðra sýki