Hverjar eru lífslíkur þínar?

Ég rakst á þetta forvitnilega próf í dag sem segir til um lífslíkur fólks miðað við núverandi lifnaðarhætti og komst að því að það er ekki ólíklegt að ég nái yfir 100 ára aldri eins og ég ætla mér. Það sem mér finnst einstaklega forvitnilegt við prófið er hversu mörg ár bætast við lífslíkurnar ef fólk er með maka og stundar reglulega kynlíf. Það vegur miklu þyngra en að vera með góðar tekjur. Hjá mér bættust heil 8 ár við ef ég merkti við maka og reglulegt kynlíf! Það er greinilega mjög mikilvægt fyrir heilsuna að vera í góðu ástarsambandi - kannski maður fari að skoða það eitthvað betur ... 

Ég var reyndar að spá í að vera hérna til svona 110-120 og vonandi fara á skauta, skíði og kannski hjólabretti í ellinni - og kannski bara geri ég það

Lifespan test - próf fyrir lífslíkur þínar skv. núverandi lifnaðarháttum

Athugasemdir

[kata (IP-tala skráð) 19.12.2006 kl. 11:45]

Ég myndi nú taka þessu með makann með fyrirvara... man eftir rannsóknum sem sýna að lífslíkur aukast hjá giftum karlmönnum en þveröfugt hjá konum...

[Júlíus Valsson, 19.12.2006 kl. 11:47]

Þetta er mjög fróðlegt.  Það er alltaf verið að að lengja lífið með ýmsum ræðum.  Gallinn er bara sá, að árin sem bætast við koma alltaf síðast á ævinni!

[Júlíus Valsson, 19.12.2006 kl. 11:48]

ýmsum ráðum (auðvitað)

[Andrea J. Ólafsdóttir, 19.12.2006 kl. 21:12]

Já það er gaman að þessu... en auðvitað er svosem kannski mjög lógískt að fólk geti lengt lífið mikið með því einmitt að leggja stund við hóflega heilsurækt, gott mataræði og það er svosem ekkert leyndarmál að kynlíf myndi kannski vel geta fallið undir "workout" sem er mjög holl fyrir líkamann..... en ég hef einmitt líka heyrt að þetta með makann sé ekki eins fyrir karla og konur. Að það lengi líf karla að vera giftir en öfugt fyrir konur og að karlar séu hamingjusamir eða ánægðari í hjónaböndum frekar en konur. Það má kannski skoða það svoltið betur því ég gæti trúað að álagið sé mun meira á konum en körlum í hjónaböndum og samböndum því á þeim hvílir svo margvísleg ábyrgð sem sumir karlar virðast ekki taka jafnan þátt í á við konurnar sínar. En við skulum taka fram hér að því er auðvitað ekki eins farið á öllum heimilum og ekki eru allir karlar eins - þó að þetta sé kannski meirihlutinn. 

[Ólafur fannberg, 20.12.2006 kl. 08:13]

kvitt og gleðileg jól