Þegar klíkuskapurinn ræður fram yfir hæfni...

Vafi ríkir um sjálfstæði íslenskra dómstóla í kjölfar skipan dómara við Héraðsdóm Norðurlands eystra og Héraðsdóm Austurlands. Sonur Davíðs Oddsonar fékk starfið út á það að vera sonur hans og veltir maður fyrir sér hvort honum sjálfum finnist það allt í lagi bara, ef hann er þá heiðvirður maður með siðgæði í lagi... en það má líka spyrja sig að því svosem.

Leiðréttum klíkuskapinn, skorum á Alþingi að starfa betur!

Skrifaðu undir áskorun á dómaraskipan.net

 

Athugasemdir

[Gunnar Ragnars (IP-tala skráð) 18.1.2008 kl. 14:56]

Þessi pistill um skipan Þorsteins Davíðssonar í stöðu héraðsdómara er þér til skammar og þú veist greinilega ekkert um hvað málið snýst.  Aðeins ofstækisfullar upphrópanir.  Hér á vel við gömul lífsspeki og sannindi:  "Maður líttu þér nær" og "Aðgát skal höfð í nærveru sálar".

[Anna Sigga, 18.1.2008 kl. 15:12]

 Nokkur sumur var ég að vinna á stað þar sem pabbi var yfirmaður. Það var siður að þeir sem stóðu sig vel, duglegir að vinna, heiðarlegir og sterkir einstaklingar sem voru búnir að vinna nokkur sumur voru hækkaðir um tign. Ég og fleirri töldum mig hafa þessa eiginleika að bera en ekki hækkaði elsku pabbi stelpuna sína.

 Ég gekk á pabba og spurði hann afhverju hann léti svona við sína eigin dóttur... hann svaraði: "ég get ekki og vil ekki hækka þig, vegna þess að þú ert dóttir mín"  Hann vildi ekki verða uppvís að hlutdrægni og ósanngirni í garð annarra. (ég var pínu sár en ber virðingu fyrir þessari ákvörðun nú seinna meir og styð hana)

 Mér þykir eðlilegt að fólk hugsi nánar útí þessa hluti þegar það ræður fólk til starfa.  Getur það verði hlutlaust??  -ég held ekki

[Nanna Katrín Kristjánsdóttir, 18.1.2008 kl. 16:40]

Sammála þér Anna Sigga, það er erfiðast að vinna fyrir ættingja.

[Vendetta, 18.1.2008 kl. 22:04]

"Sonur Davíðs Oddsonar fékk starfið út á það að vera sonur hans og veltir maður fyrir sér hvort honum sjálfum finnist það allt í lagi bara, ef hann er þá heiðvirður maður með siðgæði í lagi... en það má líka spyrja sig að því svosem."

Má ég svara þessu? Þorsteini finnst þetta vera allt í lagi, sem þýðir að hann er hvorki heiðvirður né með siðgæðið í lagi. Hann er jú alinn upp af Davíð Oddssyni, sem heldur ekki er það. Svarar þetta spurningunni?

[Gísli Sigurðsson, 21.1.2008 kl. 16:00]

Á þá Þorsteinn Davíðsson hvergi að geta fengið vinnu vegna faðernis síns? Mig minnir að hann hafi verið búinn að sækja um einhver embætti áður og ekki fengið. En ekki þar fyrir, þá skal ég viðurkenna að það var gengið framhjá hæfari umsækjendum í dómarastarfið  og er það miður. En eftir stendur að Þorsteinn þarf að vinna eins og aðrir og það er ekki endalaust hægt að hengja sig á það hann fái bara starf vegna faðernis síns. Ég er alveg meðvitaður um spillinguna sem viðgengst í pólitískum stöðuveitingum hér á landi. Ég held að það sé nokk sama hvort það eru sjálfstæðismenn, kratar eða framsóknarmenn sem halda um stjórnvölinn. Það eru aðeins vinstri grænir og frjálslyndir sem eru saklausir í þessum málum, en ég held að það sé eingöngu vegna þess að þeir hafa ekki enn komist í þá aðstöðu að geta útdeilt bitlingum en ekki viljaleysi til að nýta þá aðstöðu. En auðvitað get ég ekki sannað þessa fullyrðingu mína.