Stóriðjustopp er skynsemi

Greinilegt að greiningardeildir bankanna eru okkur sammála um stóriðjustopp. Það er eina skynsamlega og ábyrga leiðin núna á næstu árum. Hvort sem um er að ræða út frá sjónarmiðum náttúruverndar eða hagfræði. Með áframhaldandi þenslu hagkerfis og þeirri óábyrgu efnahagsstjórn sem ríkt hefur síðustu ár er voðinn vís. 

Líkur á mjúkri lendingu efnahagslífsins aukast

Athugasemdir

[Sveinn V. Ólafsson (IP-tala skráð) 2.4.2007 kl. 23:42]

Ég vil framtíð þar sem hrein orka íslands er virkjuð, vatnsorka, því mun meiri mengun fylgir jarðvarma. Ekki legst ég þó gegn virkjun jarðvarma en kýs þessa forgangsröð. Hvernig orkunni er ráðstafað er svo stóra spurningin. Það skiptir mig litlu hvort það er gert fyrst um sinn í 5-7 álverum, þau eru aðeins 2 starfandi í dag og það þriðja að taka til starfa.  Rafokusamningar renna út og þá er staðan endurmetin og hagstæðra verða leitað á ný.  Auðvitað mun aldrei öll orkan fara í álver. Mikið af orku mun seinna fara til að hlaða rafbíla. Hugsanlegt er að rafgreina vatn til að framleiða vetni fyrir vissar tegundir farartæka eins og flugvélar. Vetnisbílar munu ekki geta keppt við rafbíla - það er einfaldlega betra að nota rafmagnið beint þ.e. hlaða því inná rafgeyma og nota þannig.  Vetni gæti samt orðið góður kostur fyrir flugið þar sem það er orkumikið og létt og rafgeymar vonlausir þar.  Íslendingar munu sífellt meir nýta sér orku landsins til hagsbót fyrir okkur öll.  Sjálfsagt mun álverum fækka seinna meir og annað nýta hina endurnýjanlegu orku en þangað til er tilvalið að byggja nokkur álver og eiga góðar og traustar virkjanir frítt og endurráðstafa svo orkunni þegar hentar.  Þetta er glæsileg framtíð sem við eigum á þessu orkumikla landi okkar og þetta er að gerast í þessari röð.  Auk þess höfum við alls konar þekkingariðnað sem er að blómstra svo þetta lítur bara bærilega út hjá okkur.  Rannsóknarþjónusta Háskólans er ágætt dæmi um slíkt. "Rannsóknaþjónustan er þjónustustofnun fyrir íslenskt þekkingarsamfélag sem aðstoðar við öflun styrkja til þekkingaröflunar, greiðir fyrir hagnýtingu þekkingar og styrkir getu einstaklinga og samfélagsins til að takast á við verkefni morgundagsins." segir á heimasíðu hennar. 

Orka og þekking mynda saman þekkingarorku framtíðarinnar.

kær kveðja

Sveinn

[Inga Lára Helgadóttir, 3.4.2007 kl. 00:25]

Mér var svo mikill léttir við þessar fréttir

[Sandy (IP-tala skráð) 3.4.2007 kl. 02:21]

Bankarnir eru helstu valdar þenslu á Íslandi í dag; þeir ásamt öðrum lánastofnunum hafa dælt um 2.500 milljörðum af lánsfé inn í hagkerfið síðan framkvæmdirnar fyrir austan hófust 2003; þeir skapa þenslu á vinnumarkaðnum, t.d. fyrir tilstilli þeirra er ómögulegt fyrir hugbúnaðarfyrirtæki og verkfræðistofur að ráða reynt og menntað starfsfólk og svona má lengi telja áfram.  Síðan kenna þeir framkvæmdum í stóriðju um!!!

Einu framkvæmdirnar af því tagi sem eitthvað munar um eru framkvæmdirnar fyrir austan. Þensla af þeirra völdum er miklu minni heldur en greiningardeildir bankanna (áróðursdeildir bankanna) vilja meina, því nær allt vinnuaflið kemur að utan og sendir megnið að laununum sínum heim og önnur aðföng eru keypt af erlendum aðilum. Sem sagt lítið af þeim peningum sem knúið hafa þessar framkvæmdir fyrir austan skila sér inn í hagkerfið okkar og þenslan á vinnumarkaðinn vegna þeirra er mjög lítil.

[Bjarni M. (IP-tala skráð) 3.4.2007 kl. 02:27]

Bankarnir kasta grjóti úr glerhúsi.   Með sömu rökum mætti segja að lendingin yrði hörð ef veruleg verðmætaaukning ætti sér stað í sjávarútvegnum.   Þeir halda að eina verðmætasköpunin felist í því að millifæra fé á milli reikninga, eitthvað sem stenst ekki til lengdar þegar grannt er skoðað.   Undanfarin ár hafa þeir skóflað gríðarlegu erlendu lánsfjármagni inn í íslenskt hagkerfi, sem hefur valdið þenslu og gríðarlegum viðskiptahalla.    Til að vega upp á móti því verður þjóðin að auka verðmætasköpun og útflutningstekjur.  

[Örninn að austan (IP-tala skráð) 3.4.2007 kl. 11:41]

Þetta er satt hjá Sandy og Bjarna M.  Þenslan byrjaði fyrir alvöru þegar bankarnir fóru að dæla lánsfé inn í hagkerfið haustið 2004.  Þennslan nú hefur ekkert með framkvæmdirnar fyrir Austan að gera.  Andrea og aðrir Vinstri Grænir eru svo barnaleg að trúa að framkvæmdirnar fyrir Austan eigi sök á þenslunni - það er bara mýta og lífseigt áróðursbragð að segja að allt vont komi vegna framkvæmdinna þar, jafnvel vont veður á að vera vegna framkvæmdanna þar.

[Gunnar Th. Gunnarsson, 3.4.2007 kl. 19:45]

Sammála Dandy, Bjarna og Erninum. Og síðan hvenær fóru bankarnir að vera helstu ráðgjafa kommúnista?

Álíka fjarstæðukennt og kók fyrir komma... eða píka fyrir homma

[Kristján Pétursson, 3.4.2007 kl. 21:57]

Guðanna bænum farið ekki að treysta bönkum fyrir stóryðjustoppi.Þeir hafa ekki sýnt neina tilburði að koma verðbólgunni niður.Þeir eru ánægðir með verðtrygginguna og okurlánin.

[Björn Darri Sigurðsson, 4.4.2007 kl. 11:33]

Hvernig stendur á því Gunnar, að þú virðist ekki geta sett inn athugasemdir á þessu bloggi án þess að hljóma eins og hrekkjusvín?