Taktu afstöðu um afnám verðtryggingar - mættu á Austurvöll

Það er bráðnauðsynlegt að setja tafarlaust þak á verðbætur svo heimilin verði ekki fyrir frekara tjóni vegna skattahækkana og verðhækkana á sama tíma og þau verða fyrir tekju- og kaupmáttarskerðingu

Að sjálfsögðu munu fjármagnseigendur mótmæla því eins og fíkill sem missir fíkniefnið sitt, en þegar meðferðinni verður lokið, þá munu fjármagnseigendur átta sig á því að allir eru betur komnir án verðtryggingarinnar.

Áttið ykkur á réttlátum og sanngjörnum kröfum Hagsmunasamtaka heimilanna

Kröfurnar eru skýrar og framkvæmanlegar;

    1.      Tímasetta áætlun stjórnvalda um AFNÁM VERÐTRYGGINGAR lána hið fyrsta og vaxtaokur verði aflagt.

    2.      Réttlátar leiðréttingar höduðstóla lána

    3.      Lán með viðmiðun við gengi erlendra gjaldmiðla verði leiðrétt og yfirfærð í íslenskar krónur frá lántökudegi á gengi þess tíma.

    4.      Verðtryggð húsnæðislán leiðréttist þannig að verðbætur verði að hámarki 4% á ári frá 1.1.'08.

    5.      Lög um að ekki verði gengið lengra í innheimtu veðlána en að leysa til sín veðsetta eign.

    6.      Lög um að við uppgjör skuldar fyrnist eftirstöðvar innan 5 ára og verði ekki endurvakin.

 

Mættu á kröfufund á Austurvelli kl. 15 á laugardaginn 19. desember, sá síðasti fyrir áramótin;

Dagskrá  fundarins er á þessa leið;

Ellen Kristjáns býður gesti velkomna með söng

Bjarki Steingrímsson fyrrum varaformaður VR með framsögu

Kristján Hreinsson les ljóð

Aldís Baldvinsdóttir úr greiðsluverkfallsstjórn HH með framsögu

Kvenna- og stúlknakór Margrétar Pálmadóttur syngja jólalög í lok fundar

Boðið verður upp á heitt kakó - mætið endilega með fjölskylduna ;)

 

Hærri skattar hækka lánin um 13,4 milljarða

Athugasemdir

[Sigrún Aðalsteinsdóttir, 18.12.2009 kl. 21:15]

Ég ætla að mæta og vona svo sannarlega að fólk drífi sig niður á Austurvöll á morgun - hætti að röfla um þessa hluti hvert í sínu horni, þá gerist ekki neitt.

Það hreinlega verður að gera eitthvað í þessum málum.  Maður gerir ekkert annað en moka peningunum sínum í botnlausa tunnu, eins og staðan er og hefur verið hér í mörg ár.

[Óskar Helgi Helgason (IP-tala skráð) 18.12.2009 kl. 21:17]

Heil og sæl; Andrea, æfinlega !

Þakka þér fyrir; einurð og þolgæði, gegn niðurrifsöflum Íslands.

Með beztu kveðjum /

Óskar Helgi Helgason

[Friðrik (IP-tala skráð) 18.12.2009 kl. 22:09]

Sæl Andrea,

Hvað ætla vinstri grænir að gera í þessu máli ? Formaðurinnn þinn er eins og vindhani og því miður ekkert að marka hann, hvað þá frú Jóhönnu, þetta par hefur talað á móti verðtryggingu frá því ég man eftir mér og ekkert gerist þó að þau séu nú í stöðu til að laga-afnema þessa bölvuðu verðtryggingu!

[Höskuldur Pétur Jónsson, 19.12.2009 kl. 00:03]

Þakka þér fyrir að minna á fundin á morgunn ég reini að taka eins marga með mér og ég get ,oft er þörf en nú er nauðsyn .

Þjóðinni er að blæða út burt með verðtrygginguna hún er landráð og þeir sem vilja við halda henni eru landráðamenn.ekki viljum við hafa svoleiðis fólk við stjórnvölina burt með samspillinguna það voru ákkurat kratarnir sem komu henni á .

Við eigum ekki að þurfa að hafa áhiggur af erlendum lánum þau eru öll ólögleg ,og ef dómur fer eins í hæstarétti þá förum við með málið til mannréttindadómstólsins.

stöndum saman á móti fjármagnseigendum og þeim sem verja þá.

Mbk DON PETRO

Með þeim úldna lagaher,

fólkið stjórnvöld smána ,

hæstaréttarrekkarner,

rífa stjórnarskrána

[Jóhann (IP-tala skráð) 19.12.2009 kl. 13:07]

Þú ert frekar sæt sko :)