Útlitið er svart fyrir jörðina - en þú getur lagt þitt af mörkum

SÞ birtir svarta loftslagsskýrslu 

Ákaflega brýnt að taka strax til aðgerða - en Bush lætur eins og lítill þrjóskur frjálshyggjukrakki  og neitar að setja nokkur lög sem eigi að stuðla að minnkun losunar gróðurhúsalofttegunda...  NEI það má aldrei setja neinar hömlur á hinn frjálsa markað. Frelsi markaðarins er að tröllríða heiminum - en það má ekkert gera?!! Ég hef aldrei heyrt neinn nema verstu frjálshyggjupostula heimsins segja það að frelsinu fylgi engin ábyrgð. Allir virðast átta sig á því að öllu frelsi fylgir ábyrgð - nema þá helst frjálshyggjufólkið. Því fyrr sem frjálshyggjufólkið áttar sig á því að öllu frelsi fylgir ábyrgð, því fyrr verður hægt að gera líft á jörðinni fyrir komandi kynslóðir. En öll berum við ábyrgð. 

Og um leið og skýrslan kemur út þar sem vísindamenn segja óyggjandi sannanir fyrir því að hlýnun jarðar stafar af mengun frá mönnunum, nú þá tekur peningavaldið sig til og vill greiða fyrir gagnrýni á skýrsluna, því ekki mega þeir missa gróðann! 

 

En það góða við internetið og upplýsingaheiminn er að við getum sjálf sem einstaklingar og þjóðir tekið höndum saman og viðurkennt vandann. Horfst í augu við hann, dregið okkur sjálf til ábyrgðar og hafist handa við að gera eitthvað í því að draga úr okkar eigin losun. Við þurfum ekki að vera eins vitlaus og spillt og gráðug og hin mjög svo varasömu stórfyrirtæki út í heimi. Nei við getum svo sannarlega gert eitthvað sjálf.

Endilega kíkið á hversu margar jarðir myndi þurfa ef allir hegðuðu sér eins og þú á http://ecofoot.org/ ... þarna má líka sjá leiðir til að draga úr eigin losun og hegða sér skynsamlega gagnvart jörðinni okkar.

Eins ber að minnast á það að ef við hættum að nota nagladekk, þá getum við dregið til muna úr svifryksmengun. Nagladekkin af, harðkornadekkin á. Eða bara kippa nöglunum úr nagladekkjunum. Það verður mitt næsta verkefni þegar ég fer að nota bílinn minn aftur, þeas. EF ég fer að nota hann aftur... en það hefur reynst mér ágætlega að vera í strætó og á hjóli síðast liðið ár. 

Einnig ber að nefna góða úttekt á landvernd.is þar sem gefin eru ráð til að vera vistvæn í verki 

Nú svo er ekki ónýtt að geta bent á hóp ungmenna sem eru að leggja sitt af mörkum til að draga úr græðgisvæðingu íslensks samfélags og hvetja fólk til að kaupa ekkert nema nauðsynjavörur í tvo mánuði. Flott framtak.

Athugasemdir

[Cactus Buffsack (IP-tala skráð) 6.2.2007 kl. 00:32]

Beibí!

Þú ert alltof sæt til að hafa svona stórar skoðanir.

kv.

Cactus

[Jónína Benediktsdóttir (IP-tala skráð) 6.2.2007 kl. 00:34]

Já nákvæmlega. Það var gaman að lesa þetta hjá þér. Takk!!

[Jónína Benediktsdóttir (IP-tala skráð) 6.2.2007 kl. 00:35]

Þessi Cactus er fáviti

[Byggingaverkamaður (IP-tala skráð) 6.2.2007 kl. 12:42]

En það eru aðeins í mesta lagi 90% líkur á að sú hlýnun jarðar sem staðið hefur í 10-15 á sé af völdum koltvíoxíðs.

Myndum við sætta okkur við að tíundi hver maður í fangelsi sæti þar saklaus?

[Fannar frá Rifi, 6.2.2007 kl. 20:43]

Þessar dómsdagsspár. Endalok heimsins eru nánd. vei ykkur öllum sem syndgað hafa. blabla. Jörðin mun farast í kjarnorku styrjöld. Allt mun klikka 1. janúar 2000 og allar flugvélar munu hrapa og kjarnorkuver springa. Nú þetta gróðurhúsa dómsdagsspár. 

Hérna kemur svolítið skemmtilegt. fyrir um 100.000 árum var Skandinavía og mest öll norðaverð evrópa undir Ísaldarjöklinum. Afhverju bráðnaði hann??? Gróðurhúsalofttegundir? eða liggur eitthvað meir á bakvið?

fyrir upphaf síðustu Ísaldar uxu hér á landi risafurur og um skógana brokkuðu dádýr. Þar sem grænlandsjökull liggur núna var allt skógi vaxið og leiða má líkur á því að þar hafi dádýr einn brokkað um í hlýjuni.

áhrif okkar mannana þó þau virðist vera agaleg í okkar augum eru eins og stein sem kastað er útí ólgandi sjó. það kemur smá gusa og ef steinnin er stór þá koma kannski nokkrar stórar gusur en síðan gleypir sjórinn allt.

Hinsvegar ef það er allt á leið til fjandans útaf koltvísirings útblæstri þá er og hækkun hitastigs sem koma af gróðurhúsaáhrifum. Þá er til við því lausn. Svifryk. án gríns. Svifryk bindur vatn sameindir. Það riknir vegna öreinda í lofti sem safna utan um sig uppgufuðum vatnssameindum. Ef við dælum miklu af svifryki útí andrúmsloftið þá myndi meir af vatni byndast í smærri einingar sem myndu koma í veg fyrir að það ringdi í lengri tíma. þ.e.a.s. að það myndi líða lengur á milli rigninga heldur en áður. afhverju er það gott? nú rigningar ský ásamt jöklum endurkasta allt að 90% af orku sólar aftur út í geimin. þannig myndum við koma í veg fyrir ofhitnun. 

Að mínu mati er hinsvegar hækkandi hitastig ekki svo slæmt. jú svæði fara í óbyggð en það verða önnur svæði sem verða byggileg. Sahara eyðimörkin var gósenland fyrir 15.000 til 10.000 árum. 

Jörðin mun aldrei verða eins á morgun eins og hún er í dag og það er ekkert sem við getum gert til að stoppa það. Ef jörðin tæki aldrei breytingum væri ekki einusinni líf á landi. 

[Óskar Helgi Helgason (IP-tala skráð) 7.2.2007 kl. 21:35]

Sæl, Andrea og þið öll !

Alltaf sami gáskinn, hjá Cactusi. En Andrea........................... tekur því varla, að vera með eitthvert svekkelsi. Það er nú allur andskotinn búinn að ganga á, á þessarri Heims kringlu okkar, löngu áður en maðurinn kom til sögunnar, hafa alls lags hræringar og ummyndanir átt sér stað.

Tekur því ekki að leggjast í einhvern sút, yfir þessu. Þetta fer allt einhvern veginn; ekki satt ?

Með beztu kveðjum, úr Árnesþingi /

Óskar Helgi Helgason, frá Gamla Hrauni og Hvítárvöllum 

[Andrea J. Ólafsdóttir, 8.2.2007 kl. 15:59]

Að mínu mati tekur því alveg að spá í gjörðir okkar mannanna á meðan við erum hér með viðkomu á jörðinni. Mér finnst það sjálfsögð tillitsemi og skynsemi að fara vel með þessa jörð bæði fyrir okkur og komandi kynslóðir sem eiga eftir að horfast í augu við enn meiri hræringar í loftslagsmálum og veðurbreytingum, flóðum, stormum og dauða. Þó svo jörðin hafi farið í gegnum ýmsar hræringar áður, þá eru nú samt sem áður óyggjandi sannanir fyrir því að okkar útblástur af gróðurhúsalofttegungum frá því iðnbyltingin hófst er í beinu samræmi við þá hlýnun sem hefur átt sér stað og er að valda öllum þessum hræringum. Mér þykir það því ábyrgðarleysi að ætla ekki að gera neitt í málunum, þegar við höfum vit og getu til þess. Við þurfum alls ekki að menga svona mikið og getum vel dregið úr útblæstri, t.d. úr álverksmiðjum sem menga allra mest, og svo úr okkar notkun með bíla og annað. Einnig getum við sýnt þá sjálfsögðu tillitsemi að endurvinna t.d. þá málma og plast og pappír sem við notum, það er endurnýtanlegt með mun minni orku og mengun en frumvinnslan og við bara verðum að hugsa af skynsemi um þessa hluti. Við getum ekki endalaust haldið áfram að láta eins og ekkert sé, loka augum og eyrum fyrir þeim staðreyndum sem blasa við okkur. Það er mín skoðun og því fyrr sem fleiri taka upp hattinn fyrir þessa blessuðu náttúru og jörð okkar til að afstýra stórvandamáli innan fárra ára, því betra. 

[Haukur Kristinsson (IP-tala skráð) 9.2.2007 kl. 01:52]

alltaf svo svartsýn hjá VG, hættið þessu svartsýnistali og verið smá bjartsýn, vill ekki vera neikvæður gegn öllu og öllum. svo hættið þessu neikvæðu tali og talið um eitthvað gott, eins og nýji ísinn frá  MS er frábær

[Andrea J. Ólafsdóttir, 9.2.2007 kl. 11:37]

ég tel mig einmitt vera að tala um eitthvað gott sem við getum gert. við getum verið ábyrg í hvernig við högum okkur og það er aldeilis gott að við skulum hafa vit og þekkingu til að notfæra okkur þannig að við getum einmitt snúið við þeirri þróun sem er að fara illa með jörðina. það er bara GOTT að við skulum geta það ;)