Hún er með leeeeeeg - frábær kona í formannskjöri KSÍ

Hrikalega var ég ánægð að sjá fréttina á mbl.is um Höllu í framboði fyrir formann KSÍ - - þvílíkur kvenkostur og kraftur!

Mig langar mest til að hoppa af kæti og helst dansa líka og syngja "ég er með leeeeeg"  ...svona eins og Halla syngur það af stolti og mikilli innlifun

 

Sjá fréttina hér:

Halla Gunnars býður sig fram í formannskjöri KSÍ

 

Sjá ræðu sem Halla hélt á blaðamannafundi í morgun:

Ræða Höllu um formannskjörið

 

 

En nú er mér spurn; Hverjir fá að kjósa til formanns?

Í 8. grein laga KSÍ segir

1            Knattspyrnuþingið sitja fulltrúar frá þeim aðilum, sem mynda KSÍ.

2            Fulltrúafjöldi þeirra ákvarðast af þátttöku félaga í Íslandsmóti meistaraflokks sem hér segir:

a.         Fyrir félag, sem hefur rétt til þátttöku í 0. deild karla eða kvenna [Landsbankadeild karla eða  kvenna] á komandi leiktíð, komi 4 fulltrúar,

b.         fyrir félag, sem hefur rétt til þátttöku í 1. deild karla á komandi leiktíð,  komi 3 fulltrúar,

c.         fyrir félag, sem hefur rétt til þátttöku í 2. deild karla á komandi leiktíð,  komi 2 fulltrúar,

d.         fyrir félag, sem hefur rétt til þátttöku í neðstu deild karla eða kvenna á komandi leiktíð, komi 1 fulltrúi, enda hafi það tekið þátt í Íslandsmóti meistaraflokks 3 leiktíðir af síðustu 5, þar sem ein skal vera sú síðasta,

 

Og nú spyr kona sig; Eru engar 1. og 2. deildir í kvennaboltanum? 

Í öllu falli vonast ég til að Halla Gunnar verði næsti formaður KSÍ og það með stæl - Áfram Halla! 

Halla gefur kost á sér í formannskjöri KSÍ

Athugasemdir

[Mist (IP-tala skráð) 18.1.2007 kl. 14:38]

Það er spilað bæði í efstu og 1.deild kvenna. Það virðist vera sem 1.deildin sé flokkuð sem "neðsta" deild kvenna (sem hún reyndar er þannig séð). Frekar "asnó".

[Andrea J. Ólafsdóttir, 18.1.2007 kl. 14:46]

Já það þykir mér frekar asnalegt líka. Af hverju ætti það að vera flokkað sem neðsta deildin? Hlýtur það ekki jafnframt að vera efsta deildin ef það er engin deild fyrir neðan? Þetta kemur því þannig út að 1. deild karla fær 3 fulltrúa þarna inn til að kjósa en 1. deild kvenna fær einungis 1 fulltrúa! 

[TómasHa, 18.1.2007 kl. 15:00]

Þetta er auðvitað gert til að halda konunum fyrir utan þetta.   Augljóst mál.  Kominn tími til að hrista upp í þessu, 1 fulltrúi á mann.

[!!! (IP-tala skráð) 19.1.2007 kl. 00:59]

Þú ert að misskilja, 1. deild kvenna er sú næst efsta þar sem tvær kvennadeildir eru til staðar.

Ég tel að munur á milli liða í efstu og neðstu deild karla og kvenna sé nokkurn vegin jafn hlutfallslega.

 Mér finnst skrítið að fólk sem hefur lítinn áhuga á fótbolta  hafi áhuga hver fer fyrir fótboltahreyfingunni!  [ég gef mér að þú hafir lítinn áhuga á fótbolta þar sem þú veist ekki hvað deildirnar í kvennaboltanum eru margar!]

Þetta finnst mér ekkert annað en kynremba  enda augljóst að þú styður Höllu einvörðungu vegna þess að hún er kona.

[Jón Valur Jensson (IP-tala skráð) 19.1.2007 kl. 01:58]

Halla er auðvitað hafin yfir alla gagnrýni, enda er hún vinur og verjandi Aríaforsetans austur frá, benti okkur Íslendingum á að honum gengur gott eitt til, hann ætli ekki að útrýma Gyðingum, bara afmá Ísrael af landakortinu.

[Andrea J. Ólafsdóttir, 19.1.2007 kl. 09:55]

Ég tel mig reyndar ekki þurfa að vera sérstaka áhugamanneskju um fótbolta til að ég fylgist með formannskjöri innan hreyfingarinnar sem sér um stefnumótun fyrir allt landið. Ég er áhugamanneskja um heimin í heild sinni og stjórnun og "ekki-stjórnun" og ég hef mikinn áhuga á að gera breytinginar hér á landi í átt til frekara jafnréttis.

Ég styð Höllu Gunnars ekki einvörðunguvegna þess að hún er kona, heldur vegna þess að hún er einstaklega framúrskarandi dugleg kona sem ég hef mikla trú á og er algerlega sannfærð um að hún myndi fara mjög vel með slíkt starf og standa vel undir þeirri ábyrgð sem því fylgir. Hún er einnig mikil áhugamanneskja um fótbolta sjálf og er meðvituð um að innan hreyfingarinnar er þörf á áherslubreytingum sem stuðla að jafnari dreyfingu fjár o.s.frv.

Þess má geta að ekki fyrir svo löngu kom upp dálítill skandall hvað varðar kostun og laun meistaraflokkanna, sem og annarra flokka og virðist það fara algerlega eftir kyni hvernig peningum er úthlutað. Ef maður hugsar hluina í aðeins stærri mynd má spyrja sig hvort það geti líka mögulega verið þess vegna sem iðkendur eru færri meðal kvenna - minni áhersla í sambandinu og minni peningar í allt sem þær gera - OG ÞAÐ ÞRÁTT FYRIR AÐ landslið kvenna hefur að undanförnu staðið sig MUN MIKLU BETUR en landslið karla!

Ef ég má kannski vitna í eina fróða konu:

"Hið rétta er að karlalandsliðið er raunar í frjálsu falli niður styrkleikalistann. Nú um mundir sitja þeir í 95. sæti - rétt á eftir Malavíu
og Lybíu, rétt á undan Gabon og Eþíópíu.

Íslenska kvennalandsliðið aftur á móti hefur verið að vinna frækna sigra upp á síðkastið og eru í 19. sæti á styrkleikalista FIFA, rétt á eftir Hollandi og Úkraínu, rétt á undan Spáni og Tékklandi. Það munaði einungis hársbreidd að þær kæmust í úrslitakeppni  heimsmeistaramótsins 2007.

Þessar upplýsingar eru frá því í nóvember, tölurnar hafa líklega ekki breyst mikið síðan þá."

[erlahlyns.blogspot.com, 19.1.2007 kl. 20:33]

Óskráður !!!! segir: [ég gef mér að þú hafir lítinn áhuga á fótbolta þar sem þú veist ekki hvað deildirnar í kvennaboltanum eru margar!]

Ég hef ekki minnstu hugmynd um hversu margar nefndir eru starfandi innan Hundaræktunarfélags íslands, né hversu margar hundategundir eru skráðar í félagið. Þó hef ég talið mig mikla áhugakonu um hunda, og hef átt einn slíkan í nokkur ár. Ég hlýt þó að vera að ímynda mér þennan áhuga því hann getur varla verið til staðar sbr. fyrri rökfærslu.

[!!! (IP-tala skráð) 20.1.2007 kl. 01:06]

Erla Hlyns! þér er eflaust líka sama hver er formaður Hundaræktunarfélagsins [ef það er til]. Ég þekki slatta af fólki sem finnst gaman að spila fótbolta en er slétt sama hver er formaður KsÍ og tjáir sig lítið um það þó svo það hafi áhuga á fótbolta á sama hátt og þú hefur áhuga á hundum. Þetta eru útúrsnúningar og ekkert annað.

Andrea: Hvað varðar stöðu landsliða karla og kvenna er hæpið að tala um styrkleikalista FIFA í því sambandi og það myndir þú vita ef þú fylgdist með íþróttinni. Í Lýbíu, Gabon og Eþíópíu búa milljónir manna og karlaknattspyrna er lang lang vinsælasta íþróttin þar, líkt og á Íslandi, en því miður er lítið sem ekkert lagt upp úr kvennaknattspyrnu í þessum löndum. Það að smáríki á borð við Ísland hafi jafn sterkt landslið í knattspyrnu kvenna sýnir svart á hvítu hve lítið er lagt upp úr íþróttaiðkun kvenna í fátækari og vanþróaðri löndum en ekki hvað íslenska karlalandsliðið er slappt í samanburði við kvennalandsliðið.

Skandallinn sem þú minnist á er líklega vegna dagpeninga landsliðsmanna og skiptingu verðlaunafjár í Landsbankadeildinni.  Ég get tekið undir að landsliðskonurnar okkar eiga að fá sömu dagpeninga og karlarnir þær hafa alveg sömu not fyrir féð og auk þess eru flestir karlanna atvinnumenn og þar með á launum frá sínum félagsliðum á meðan landsleikjaferðum stendur.

En mér finnst annað gilda með skiptingu verðlaunafjár. Þeir peningar sem ksí hefur til skiptana fær sambandið frá styrktaraðila deildarinnar, þe Landsbankanum, og ef við skoðum hvaða auglýsingu bankinn er að kaupa er hún að lang mestu leiti í gegnum karlaboltann. Meðalaðsókn er eflaust tífallt meiri á karlaleiki þrátt fyrir að það kosti ekkert inn á kvennaleikina. Þeir eiga að njóta eldanna sem kveikja þá í þessu sem öðru.

Ég veit ekki betur en að allir peningar sem ksí úthlutar úr sínum sjóðum séu brennimerktir barna- og unglingastarfi beggja kynja þrátt fyrir að tekjurnar komi í gegnum karlaboltann að lang mestu leiti.

Þó að það sé leiðinlegt að segja frá virðist sem tekjur af karlaboltanum haldi kvennaboltanum á floti og án þessa lélega karlalandsliðs okkar gætum við ekki haldið frábæru kvennaliði úti. Af hverju?  Það borga allt of fáir til þess að horfa á kvennabolta vegna þess að skemmtanagildið að horfa á meistaraflokk kvenna spila er svipað og að horfa á leik í fjórða flokki karla, þe strákar á fermingaraldri.

Þetta segir þó ekket til um hvort Halla væri frambærilegur formaður, ég er aðeins að svara því sem hér hefur áður komið fram. Það væri gott að fá nýtt blóð í knattspyrnuforystuna óháð því hvort það væri karl eða kona!

[Andrea J. Ólafsdóttir, 20.1.2007 kl. 08:45]

Höllu í formanninn! Henni er fúlasta alvara og myndi sóma sér mjög vel og standa alveg rosalega vel undir nafni :)

Sæl Jóna Ingibjörg

"Hún er með leeeeeeg! En svo fattaði ég að þú værir að meina leg eða uterus. Innri kynfæri, innri æxlunarfæri? Hún er sem sagt ekki með lim eða tippi. Hún er með pííííiíÍku! Ég er ekki að reyna að vera erfið. Það sem er erfitt við mig er að ég er blátt áfram. Þess vegna þætti mér: "Hann er með blöðruálskiriiiiiiL" ekki segja mér neitt sérstaklega mikið. 

Til að svara þessu, þá er þetta nú vegna þess að Halla Gunnars samdi mjög skemmtilegt og flott lag sem heitir "ég er með leg" og það er bara svo ótrúlega flott þegar hún syngur það... en ég átta mig á því að það kann að koma undarlega fyrir sjónir að segja þetta svona fyrir þá sem ekki hafa heyrt hana syngja það og ita ekki hvernig textinn er :) ... en mér fannst það bara gaman af því að þetta er hún  smá húmor

En já, hún er með píku líka að því er ég best veit og ég er ekkert feimin við það orð - því mér finnst það flott

Ég vildi óska þess að ég gæti sett textann af laginu hennar Höllu hér, en ég get hvergi fundið hann á netinu.

[Eiður Ragnarsson, 20.1.2007 kl. 19:14]

Ég veit ekki hver Halla er né heldur hverjir eru í framboði aðrir, en hvort að frambjóðandin heitir Gunna eða Jón, eða er með píku eða tippi skiptir líka ekki miklu máli í mínum huga.

Það er viðkamandi einstaklingur og hæfileikar hans til að takast á við starfið sem skipta máli....

Ég er algerlega á móti því að hengja hann eða hún við svona lagað, og þeim mun fyrr sem fólk áttar sig á því að það er kolrangt þeim mun betra........

[Heiða B. Heiðars, 24.1.2007 kl. 16:33]

Eftir að ég frétti af framboði Höllu gerði ég far um að kynna mér sögu hennar og verð að segja að ég held að hún eigi fullt erindi í starfið. Það að hún er kona er bara bónus... stór bónus