Leita í fréttum mbl.is

Hagsmunaárekstrar?

Maður veltir því aðeins fyrir sér hvort hér geti verið um hagsmunaáresktra að ræða? 

Ísland er land tækifæranna - er það ekki? Allt svo frábært á Íslandi - eða hvað? 

Það kemur reyndar ekki fram hvort Kristinn mun áfram starfa sem stjórnarformaður Sævarhöfða sem á Ingvar Helgason.... en forstjóri í einu bílaumboði og stjórnarformaður og eigandi í fyrirtæki sem á samkeppnisaðila þess og enginn sér neitt að neinu? Væri það í lagi ef maðurinn gegndi stjórnarstörfum í þessum báðum fyrirtækjum á sama tíma og þau væru í samkeppni?  Annað væri ef þessir tveir samkeppnisaðilar ætluðu sér að renna saman í eitt, þá myndi málið horfa öðruvísi við - en spurningarnar ættu samt rétt á sér almennt, því getur það yfir höfuð staðist samkeppnislög ef svo væri raunin?

En það er ekki annað hægt en að skella aðeins uppúr yfir galdramönnum Íslands í dag, það gera allavega íbúar Norðurlandanna, sem hafa farið yfir krisskross eignarhald og stjórnarfyrirkomulagið heima fyrir ... en Íslendingar gera lítið annað en að yppa öxlum og segja:

"Svona er víst Ísland í dag".  Wizard

 

Vil taka það fram að í athugasemdum til mín hefur komið fram að þessi fyrirtæki tilheyra einmitt einum og sama aðilanum eða hafa semsagt runnið saman að einhverju leyti eins og ég var einmitt að velta fyrir mér hér að ofan en fannst á engan hátt koma fram í fréttaflutningi mbl.is og velti þá í framhaldinu fyrir mér hvers vegna þeir hafi ekki tekið það fram? Eins myndi ég samt sem áður spyrja mig að því hversu lengi maðurinn hefur gegnt stjórnarstörfum í þessum fyrirtækjum, hvort það hafi mögulega verið líka þannig áður en þau runnu inn undir sama eigandann og ef svo væri, hvort það myndi yfir höfuð standast samkeppnislög? Ekki það að mínar vangaveltur snúist eingöngu um þennan einstaka mann og hans störf, heldur eru vangaveltur mínar líka almenns eðlis um slík mál. 


mbl.is Kristinn Þór Geirsson nýr forstjóri B&L
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Þú fylgist greinilega ekki með.  Það er nokkuð síðan að IH keypti B&L.  Það var samþykkt af samkeppnisyfirvöldum.

Neytandi (IP-tala skráð) 29.2.2008 kl. 22:14

2 Smámynd: Presturinn

Þessi félög eru í sömu samstæðu! Tæplega brot á samkeppnislögum að einn og sami maðurinn vinni fyrir móðurfélag og dótturfélag þegar eignarhaldið hefur verið blessað af samkeppnisyfirvöldum.

Það er augljóst að þið vinstri grænir eruð ekki sérstaklega skarpir í fyrirtækjafræðum frekar en fyrri daginn. En svona er víst Ísland í dag :)

Presturinn, 29.2.2008 kl. 22:41

3 Smámynd: Hagbarður

Sæl Andrea

Ég tek undir með það sem þú ert að velta fyrir þér með þessu innleggi þínu, óháð því hvort að Samkeppnisstofnun hafi heimilað þessi kaup á sínum tíma. Spurningin hvort að aðilar sem hafa orðið svona sterk tök á markaðnum geti ekki í krafti stærðarinnar beytt "óeðlilegum" samkeppnishindrandi "lóðréttum" aðgerðum gagnvart markaðinum, t.d. sveigt og beygt málningar- og réttingarverkstæði og almenna þjónustuaðila og ýtt út af markaðinum aðilum sem ekki vilja þýðast þá. Tryggingarfélögin er þekkt fyrir þetta og nota svokallað CABAS kerfi til að þvinga aðila undir sameiginlegt einingarverð.

Hagbarður, 1.3.2008 kl. 03:03

4 identicon

Hagbarður:

Ef þú hefur litið yfir sölutölur á bílum undanfarin svona 10 ár að þá má nokkurn veginn með sanni segja að það megi "næstum" sameina öll bílaumboðin undir eitt á meðan að inni í því er ekki Toyota þar sem að einstakar tegundir þar undir hafa verið að seljast betur enn öll merki sumra umboðanna.
Litlir hagsmunaárekstrar þarna á milli, mig minnir að talað hafi verið um að sameiginleg markaðshlutdeild þessara tveggja umboða sé um 22% sem er nú ekki hátt miðað við fjölda bíltegunda sem þau hafa undir sínum hatti.

Dóri (IP-tala skráð) 1.3.2008 kl. 08:52

5 Smámynd: Andrea J. Ólafsdóttir

Þakka ábendingarnar hér að ofan. Það hvort fyrirtækin ætluðu sér að renna saman í eitt var einmitt spurning mín hér að ofan - en ég verð að viðurkenna að ég er nú búin að vera erlendis lengi og hef ekki fylgst með samruna íslenskra fyrirtækja að undanförnu... bendi prestinum á það að þótt almenningur almennt sé ekki með allar samstæður og krisskrosseignarhaldið á Íslandi á hreinu að þá er það ekki merki um skarpleika í fyrirtækja"fræðum" eins og hann kallar það. Fyrirtækjafræði ganga reyndar út á aðeins aðra hluti :)

Hér verð ég nú að segja það að mér finnst ákaflega furðulegur fréttaflutningur mbl að geta þess hvergi í fréttinni að fyrirtækin tvö hafi þegar runnið saman í eitt eða séu ein og sama samsteypan - því þá horfir málið öðruvísi við, eins og ég tók einmitt fram hér að ofan. En þá má líka spyrja sig hvort Kristinn Þór hafi gegnt stjórnarstörfum í báðum fyrirtækjum áður heldur en þau runnu saman. Þá ætti spurning mín að sjálfsögðu frekar að vera hversu lengi hefur einn og sami maðurinn gegnst stjórnarstöðu í báðum fyrirtækjunum - frá því þau runnu saman, eða áður en það gerðist? Ef svo væri, myndi það standast samkeppnislög?

En reyndar eru sumir últra-nýfrjálshyggjumennirnir ekki einu sinni færir um það að sjá hagsmunaárekstrana þegar þeir æpa á alla aðra eins og þegar aðilar í bæjar-og borgarstjórnum sitja báðum megin við borðið og eru að semja við sín eigin fyrirtæki um kjör og kaup.

Andrea J. Ólafsdóttir, 2.3.2008 kl. 09:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Andrea J. Ólafsdóttir
Andrea J. Ólafsdóttir

Klikkaðu á mig andreaolafs@gmail.com

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Mitt HTML

Innskráning

Ath. Vinsamlegast kveikið á Javascript til að hefja innskráningu.

Hafðu samband