Leita í fréttum mbl.is

Fundur Framtíðarlandsins í kvöld í Hafnarfirði

Við minnum ykkur á dagskránna í kvöld í Hafnarfjarðarleikhúsinu þar sem fulltrúar stjórnmálaflokkanna sitja fyrir svörum og leikin verða brot úr Draumalandinu.

Aðgangur er ókeypis og öllum heimill, en sætapláss er takmarkað svo við bendum ykkur á að mæta tímanlega!

- - - - -
* Framtíðarsáttmálinn 10 daga gamall *
UMRÆÐUFUNDUR Í HAFNARFJARÐARLEIKHÚSINU MEÐ FULLTRÚUM STJÓRNMÁLAFLOKKANNA

Framtíðarlandið efnir til umræðufundar í tilefni þess að tíu dagar eru liðnir frá því "Sáttmáli um framtíð Íslands" var lagður fram. Í pallborði verða fulltrúar allra stjórnmálaflokka, en umræðum stýrir Hjálmar Sveinsson útvarpsmaður.
Í pallborði sitja:
* Ingibjörg Sólrún Gísladóttir, formaður Samfylkingarinnar
* Illugi Gunnarsson, frambjóðandi Sjálfstæðisflokks til Alþingis
* Kolbrún Halldórsdóttir, þingkona Vinstrihreyfingarinnar - Græns framboðs
* Ómar Ragnarsson, formaður Íslandshreyfingarinnar
* Guðjón Ólafur Jónsson, þingmaður Framsóknarflokksins
* Kristinn H. Gunnarsson, þingmaður Frjálslynda flokksins

Gestgjafar fundarins í Hafnafjarðarleikhúsinu munu krydda kvöldið með atriðum úr leikritinu Draumalandið, sem sýnir í spéspegli þau ólíku sjónarmið sem hafa ríkt í umræðunni um stóriðju- og virkjunarmál.

Staður: Hafnarfjarðarleikhúsið, Strandgötu 50, Hafnarfirði
Tími: Miðvikudagur 28. mars, 20:00

« Síðasta færsla | Næsta færsla »

Athugasemdir

1 identicon

Komdu sæl, Andrea, ég velti fyrir mér hvort það sé merki um það sem koma skal hjá ykkur í VG að henda út úr umræðunni þeim sem ekki eru ykkur sammála.  Nú hefur það gerst nokkrum sinnum að ég hef fært fram gagnrýni á málflutning þinn á síðunni þinni, en þú hendir þeim út jafnóðum.  Sem stjórnmálamaður hlýtur þú að þurfa að taka tillit til andstæðra sjónarmiða, ekki satt?  En þú kýst að henda út mínum ummælum, og reyndar allra annara sem eru þér ósammála, og hafa bara "umræðuna" meðal fólks sem er þér sammála.  Er það góður siður hjá stjórnmálamanni að útiloka frá umræðunni þá sem ekki eru þér sammála?  Þú ert frambjóðandi fyrir VG, en samt viltu ekki svara þínum pólitísku andstæðingum þegar þeir bera upp sjálfsagðar spurningar.

 Í mínum bókum er þetta merki um þá skoðanakúgun og það hefti á málfrelsi sem vill alltof oft og sterklega loða við ykkur í VG.

Með málfrelsiskveðju,

Dharma 

Dharma (IP-tala skráð) 28.3.2007 kl. 17:36

2 Smámynd: Andrea J. Ólafsdóttir

Ég hef svarað fullt af fólki hér inn á síðunni sem er mér ekki sammála Dharma. Ég hins vegar hef ekki alveg nennt þér, sorrí. Ég hef líka stundum eytt út athugasemdum frá fólki sem hefur ekkert málefnalegt fram að færa og er bara með leiðindi og skítkast. Ég held mér hljóti að vera frjálst að láta ekki vaða svoleiðis yfir mig þar sem þetta er nú einu sinni mitt blogg    

Þú virðist gjörsamlega sannfærður um það Dharma (sem skrifar ekki undir nafni) að það sé það versta sem komið gæti fyrir að byggja hér upp gott velferðarsamfélag. Við erum bara ekki alveg öll inn á sömu línu og þú Dharma minn. Mjög mörgum íslendingum finnst velferðarkerfið hér mjög vanrækt og margir íslendingar vilja byggja það vel upp og tryggja það. Það eru líka ótrúlega margir íslendingar sem sjá það að Norðulöndum hefur tekist mjög vel til, mun betur en okkur og það er einmitt það sem við í VG og aðrir þeir sem eru á miðju og vinstri kantinum vilja sjá á Íslandi líka. Ef við færum hins vegar að dæmi og vilja sjálfstæðismanna yrði hér ömurlegt ameríkusamfélag eftir nokkur ár. Frjálshyggjupostular ykkar þarna hægra megin myndi takast að gjörsamlega rústa þessu samfélagi og ameríkanisera það sem er alls ekki heillavænlegt fyrir okkur. Það getum við flest séð með því bara að kíkja yfir hafið til vesturs. Ekki sniðugt.  

Andrea J. Ólafsdóttir, 28.3.2007 kl. 20:09

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Andrea J. Ólafsdóttir
Andrea J. Ólafsdóttir

Klikkaðu á mig andreaolafs@gmail.com

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Mitt HTML

Innskráning

Ath. Vinsamlegast kveikið á Javascript til að hefja innskráningu.

Hafðu samband