Neyðarstjórn kvenna gefur út fyrstu Kvennastjórnartíðindin

Langar að vekja athygli á nýjum félagasamtökum sem upp hafa sprottið úr kreppuástandinu. Konur hafa tekið sig saman og myndað Neyðarstjórn kvenna sem ætlar að fjalla um málefni líðandi stundar og jafnvel koma með kvenlegan vinkil og ráð í ástandinu.

Hér er fyrsta tölublað Kvennastjórnartíðinda sem gefið er út af fjölmiðlahóp Neyðarstjórnarinnar.
http://blogg.visir.is/kvennastjornartidindi/files/2008/11/kvennastj_les.pdf

Ég hvet síðan alla til að mæta á Austurvöll í dag til að finna stemningu sameiningar Alþýðunnar.
Á Austurvelli verður einnig gamli Volvoinn minn til sýnis í nýju gervi eftir að listamaðurinn umdeildi Þórarinn Jónsson lét hendur standa fram úr ermum :)

Athugasemdir

[Rakel Sigurgeirsdóttir, 22.11.2008 kl. 18:37]

Það var táknrænt hjá þeim að klæða Jón Sigurðsson í kjól og vekja þannig athygli á því að „Hér eftir vilja konur að karlar og konur fari jafnt með völdin á öllum sviðum samfélagsins. NÚNA er rétti tíminn,“

[Æsir (IP-tala skráð) 22.11.2008 kl. 20:11]

hann var virkilega Flottur Volvoinn þinn

Takk fyrir þetta

[Baldur Fjölnisson, 22.11.2008 kl. 23:17]

Náttúran hefur yfirleitt sett kvennaveldi til að tryggja viðhaldtegunda og við sjáum það blasa við hjá flestum æðri tegundum - öðrum en manninum. Sem sennilega skýrir ekki síst hvernig hann er mjög langt fram genginn í að skapa slíkan ruglanda að af því leiði styrjaldir sem hreinlega útrými tegundinni. Til að forða slíkri útrýmingu þurfum við þegar í stað að byrja að vinna að útrýmingu karlmanna. Þeir eru þegar fyrir löngu orðnir ónauðsynlegir til fjölgunar tegundarinnar en samt ætti að halda upp á sirka einn karl á móti fimmtíu konum bæði til að viðhalda ákveðinni fjölbreytni í sæði og sem sýningargripi fyrir ljósmyndara og aðra túrista.